مجدي عبدالغني يحذر اتحاد الكرة من معاقبة الأهلي

حذر مجدي عبدالغني، نجم الأهلي السابق، اتحاد الكرة في حال معاقبة القلعة الحمراء، بعد الانسحاب من بطولة كأس مصر، خلال النسخة الحالية.

وانتقد مجدي عبدالغني استمرار الموسم الحالي في المسابقات المحلية، قائلًا: «هنفضل ماشيين في اللي احنا فيه في الكورة مش هينفع. السنة دي هنخلص في شهر 9 أو آخر 8 والسنة الجاية لو مشينا في اللي احنا فيه هيفرق 3 أو 4 أيام».اضافة اعلان

وأضاف في تصريحات عبر قناة «الشمس»: «لو اتحاد كرة القدم فكر في عقاب النادي الأهلي، كأس مصر السنة الجاية مش هيجيب 3 تعريفة، لأن النادي الاهلي تقل».

وأكمل: «زعلان على نادي الزمالك كان نفسي ينسحب هو كمان بدل اللي حصل، المدرب نفسه قالهم مش هقدر ألعب كأس مصر ومشي، لاعيبتك الكبيرة أخدت إجازات وعندك وقف قيد، كنت متوقع إنه هينسحب، لكن قرر يلعب بالناشئين».