محمد صلاح لـ مجدي يعقوب: «هافتخر طول عمري بهذا اللقاء»

أعرب محمد صلاح نجم وقائد منتخب مصر ولاعب ليفربول الإنجليزي، عن سعادته بحواره مع جراح القلب العالمي السير مجدي يعقوب.

وقال محمد صلاح خلال حواره مع الدكتور مجدي يعقوب: «مبسوط جدا إني قاعد معاك وهفضل افتخر بها طول عمري».اضافة اعلان

وأضاف عبر شاشة «أون سبورت»: «كان هدفي وأنا صغير إني ألعب كرة شراب وكنت بلعب في القرية اللي اتولدت فيها وبلعب مع أصحابي مش فارق معايا ألعب فين، وبعدين لما طلعت الفريق الأول بدأ حلمى أروح أوروبا ولما رحت أوروبا قلت لنفسى لازم أعمل حاجة محدش عملها في مصر علشان أرفع طموحات كل اللى بعدى».

وتابع: «هناك لاعبون كنت أتمنى أطلع زيهم زي حسن شحاتة ومحمود الخطيب هما دول اللي كانوا الأبرز في مصر، بس الوحيد اللي كان مصدق فيا هو والدي كان بيصرف فلوس ومش عارف هل أنا هنجح ولا لا ووالدتي كانت بتخاف عليا».

وأتم: «لكن والدي كان مصدق فيا وكان ورايا في كل مكان فمقدرش أنكر فضله، لأنه هو بيخسر فلوس في سبيل إن ابنه يلعب كورة، فأنا مدين ليه بكل شيء من اللى أنا وصلت له».