محمد صلاح يكشف موعد تحديد وجهته المقبلة

تحدث محمد صلاح قائد منتخب مصر لكرة القدم عن شعوره بعد رحيله رسميًا عن ناديه ليفربول الذي قضى فيه 9 سنوات وحقق جميع الإنجازات، موضحًا أنه يوم الرحيل كان صعبًا جدًا نفسيًا.اضافة اعلان

وقال محمد صلاح في تصريحات لـ bein sport: «الحمد لله أنهيت مشواري مع ليفربول بشكل جيد.. حققت كل حاجة مع الريدز وطالع والناس فخورة باللي أنا عملته».

وأضاف: «وضعت ليفربول تاني في المكانة اللي يستحقها بين الكبار.. دي كانت أهم حاجة بالنسبالي، كسبت كل البطولات تقريبًا، واليوم الأخير لي مع ليفربول كان صعب علي نفسيا».


وتابع: «عشت مع ليفربول 9 سنين كانوا أحسن أيام شبابي، الحمدلله حققت كل حاجة مع ليفربول مفيش حاجة أحلم بيها أكتر من كده».

وبالحديث عن مستقبله، أكد الفرعون المصري: «لسه هشوف معايا وقت دلوقتي.. لو فيه حاجة كويسة قبل كأس العالم هقرر.. لو مفيش هاخد قراري بعد المونديال العالمي».


واختتم صلاح تصريحاته مشيرًا إلى أنه يتمنى وصول لاعبين مصريين آخرين لما حققه في ملاعب أوروبا، مؤكدًا أن مصر لديها مواهب كتيرة محتاجين فرصة واجتهاد واستعداد للتضحية بشبابهم علشان يوصلوا لحاجة كويسة ويعدوا كمان اللي انا عملته إن شاء الله.