قدم الإعلامي مدحت شلبي، رسالة اعتذار إلى محمود الخطيب رئيس النادي الأهلي، على ما صدر منه في حقه خلال الفترة الأخيرة.
وقال مدحت شلبي في تصريحات عبر قناة «القاهرة والناس»: «أنا لما بطلع على الشاشة أكيد بيبقى عندي مصدري، وكان غرضي من الكلام اللي قولته على الخطيب لأني الناس بتتعب لما يعرفوا إنه تعبان».
اضافة اعلان
أضاف: «أنا هحكي واقعة صغيرة وصاحبها حي يرزق.. أنا كان ضيفي مصطفى يونس في حلقة من الحلقات من فترة، ولما قالوا لي في (الإير بيس) إن كابتن الخطيب سافر على ألمانيا علشان يعمل جراحه، قام الكابتن مصطفى يونس وخرج بره وراح معيط بشكل هيستيري».
تابع: «الكابتن الخطيب الناس بتحبه ومؤكد إنه هو مر بمحن، ولما قولت ما تفولش على نفسك علشان إحنا عايزينه يبقى بصحة جيدة».
وأتم: «إحنا في رمضان يعزّ عليّا إن الكابتن الخطيب يكون زعلان مني وأنا بحبه وأنا بقدم له اعتذار شخصي، وأول مرة أقولها، ولو كنت تسببت في ضيق لك أنا لم أقصد على الإطلاق، وأرجو إنك متكنش زعلان مني وده حقك عليا وأنا لم أكن في ذهني إني أضايقه».
