مدرب الزمالك السابق يكشف رد زيزو المفاجئ بشأن سفارة أمريكا

تحدث أيمن عبدالعزيز، المدرب العام السابق في الجهاز الفني بنادي الزمالك، عن تفاصيل حديثه مع أحمد سيد زيزو، حينما كان لاعبًا في الأبيض قبل الانتقال إلى الأهلي.اضافة اعلان


جاء هذا بعد ذهاب زيزو، بشكل مفاجئ إلى السفارة الأمريكية، لاستخراج تأشيرة السفر بالتزامن مع استعداد الأهلي للمشاركة في كأس العالم للأندية، وحينها كان لا يزال لاعبًا في الزمالك.


وقال أيمن عبدالعزيزعبر برنامج «اللعيب»: «القصة من بدايتها مكنش فيها صراحة تريح كل الأطراف، وإن زيزو يقول أنا مضيت في الأهلي أو أي نادي».

وأضاف: «إنما فكرة الكلام الكتير اللي حصل واللغط اللي حصل ده اللي زعل الناس من زيزو».

وأكمل: «وكان في لقطة شهيرة بعد قصة السفارة وأنا واقف مع زيزو في التدريبات في الزمالك، سألته سؤال صريح إشمعنى النهاردة؟!».

وتابع: «إشمعنى ظهر موضوع السفارة مش شايف إن التوقيت مش مناسب وإن الأمور هتتعقد، قالي أنا مروحتش أخد الفيزا عشان خاطر حاجة، أنا روحت أخد الفيزا عشان مراتي هتولد فهي هتولد في أمريكا، فـ أنا ضحكت».

وزاد: «قولتله لو فرضًا كل ده، إشمعنى واحنا عندنا ماتش مهم، وأنت مراعتش كل ده والمشكلة دي كلها وبقت المواضيع مقسومة، ودي كانت البداية إن الموضوع ينهار».