مرتضى يفاجئ شيكابالا.. يقود تمردًا داخل الزمالك»

أكد مرتضى منصور، رئيس نادي الزمالك المعزول بحكم قضائي، أن محمود عبدالرازق «شيكابالا»، قائد الفريق الأول لكرة القدم بنادي الزمالك، يقود تمردًا داخل الفريق.اضافة اعلان
وقال مرتضى منصور في تصريحات تليفزيونية عبر فضائية «الزمالك» : «اللي بيحب الزمالك، ميتمردش، ويلم اللعيبة الصبح ويقول مش هننزل التمرين، وأنا وقتها حذرت اللاعبين على الجروب إللي مش هيجي التمرين الساعة 4 النادي مش عاوزه».

ووجه مرتضى رسالة إلى شيكابالا، قائلًا: «الكابتن كبير وخليك في نظرنا كبير، طبعًا اللاعبين لهم مستحقات، ولكن سيف الجزيري وحمزة المثلوثي، اللي مش من ولاد الزمالك رفضوا تصرف شكيابالا».

وتابع: «أنت لاعب موهوب، متضيعش موهبتك بالكلام ده، ومتزعلش الناس منك بالكلام ده.. أنا 24 ساعة مش بنام وأنا بره النادي وسبت رئاسة النادي بسببك عشان ممدوح عباس صاحبك يفك الحجز عشان ندفع مستحقات اللعيبة وندفع غرامتك».

وأتم: «أنت مفروض كبير وشايفينك كبير وكابتن، أومال زيزو وفتوح والجزيري، يعملوا إيه، اللي هما فاكهة الفرقة».