وجه أحمد شوبير حارس مرمى الأهلي ومنتخب مصر السابق رسالة نارية إلى أيمن الرمادي المدير الفني لفريق البنك الأهلي ومدرب الزمالك السابق، بعد رسالته الأخيرة لتحفيز لاعبي الزمالك قبل مباراة اتحاد العاصمة في نهائي الكونفدرالية الأفريقية.
اضافة اعلان
وقال أحمد شوبير: "كابتن أيمن الرمادي ورسالته لنادي الزمالك والاستشهاد فيها بكلمة الرئيس البطل الراحل أنور السادات وأنا قلت له بتدخل أيه في أيه يا كابتن أيمن مالوش علاقة، ومن وقتها ما خلصتش وده يطلع يكلم وده يطلع ينتقد وبرامج تليفزيونية واتصالات تليفونية، فأيه يعني أنت مش هتخوفني".
وأوضح شوبير: "يا كابتن أيمن أنت مدرب فريق في الدوري ومش أي فريق ده البنك الأهلي فريق قوي ومحترم وكان عندك مباراة امبارح مع بتروجت طب خلص الماتش بتاع إمبارح واكتب الرسالة النهاردة على الأقل أبقى عارف إن حضرتك مركز في الماتش بشكل كويس خلص الماتش أي كانت النيتجة واطلع اكتب".
وتابع شوبير: "أنت شاغل نفسك ليه بماتش لسه يوم السبت اللي جاي وكان عندك ماتش امبارح وخسرت من بتروجت 3-2 وبعدين النهاردة أنا معايا مدرب رائع معتمد جمال وعامل لي كل حاجة جميلة وحضرتك كنت مدرب من كام شهر ما تخليهم يشتغلوا في الروقان كده"ز
وواصل حارس الأهلي السابق: "كلامك وكل ده دعم معنوي حلو لكن لاعيبة الزمالك وجهازهم الفني وجماهيرهم عايشين الماتش أكثر مننا ألف مرة".
وأضاف شوبير: "غريبة برضوا قوي يا كابتن أيمن، حضرتك مستعجل ليه والخطاب العاطفي اللي نشرته، فلما تقول حاجة زي دي ما كانش فيه داعي تستشهد بهذه الأمور"ز
واختتم شوبير: "وبعد كلامي بقه اللي بيعمل مداخلة ويقول لك لا تصدقوا شوبير ولا تصدقوا الكاره للزمالك، هخاف أنا كده، لأ هفضل أكلم في الحقيقة ومش هقول لك غير الصح فالدينا غريبة جدا وكل واحد بيدي لنفسه اللي مش من حقه، وده أمر خطر خلونا نعيد الموازين الصحيحة للرياضة".
