مفاجآت حول مصير وسام مع الأهلي

وجه الإعلامي أحمد شوبير حارس مرمى الأهلي ومنتخب مصر السابق رسالة نارية لمسؤولي النادي الأهلي بخصوص لاعب الفريق الكروي الأول المهاجم وسام أبوعلي.
وقال أحمد شوبير في تصريحات إذاعية اليوم الثلاثاء: «نقف شوية عند قصة وسام أبوعلي، فيه جيم بيتلعب ما بين الأهلي ووسام أبوعلي عايز يمشي بكل صراحة اه عايز يمشي، والأهلي عايز وسام يكمل».اضافة اعلان
وأوضح شوبير: «العرض اللي جه لوسام لغاية دلوقتي أقصى عرض 6 مليون دولار مع نسب من إعادة البيع وده هيدي ناديه السويدي القديم نسب من زيادة البيع أيضا يعني لو 6 مليون دولار هتخصم مثلا مليون دولار لناديه السويدي، ووسام هياخد من العرض الأمريكي اللي جاي له من نادي كولمبوس مرتب سنوي من 4 إلى 4.5 مليون دولار، فبعيد جدا عن أقصى حاجة هياخدها في الأهلي ومن هنا وسام مصمم على الرحيل».
وأضاف شوبير: «وسام مش عايز يسافر فترة الإعداد في تونس واتقال إصابة والنهاردة هيعمل رنين مغناطيسي فاحنا عايزين إدارة الأهلي تقول لنا النهاردة بعد ما يعمل الأشعة هو مصاب ولا لأ، فلو طلع مصاب ماشي إنما لو مكانش مصاب يبقى هتكون إصابة سياسية عشان ما يسافرش».
واختتم شوبير: «المؤكد وسام يريد الرحيل والمؤكد الأهلي عايزه يقعد، هل موقف النادي هو الأقوى ولا موقف اللاعب هو الأقوى؟، وسام تعاقده ينتهي في 2029، بعد ما محمد رمضان جدد له عقده وزوده كمان، لكن وسام أصلا عقلية أوروبية طول عمره في الدنمارك والسويد وجاي له فلوس زيادة تأمن مستقبله وأسرته وعشان كده مصمم يمشي».