هاجم أحمد حسام "ميدو"، نجم الزمالك السابق، عصام الحضري، بعد قراره بالرحيل عن المنتخب الأولمبي المصري، من أجل تدريب حراس منتخب سوريا الأول.
وقال ميدو، في تصريحات تليفزيوينة عبر فضائية "القاهرة والناس": "تفسيري عن رحيل عصام الحضري، المفاجئ من المنتخب الأولمبي، انه الحضري، لو أي حد تاني غير الحضري، خد الخطوة دي ممكن الناس تتفاجئ، ولكن أعتقد عندما أخد الحضري، تلك الخطوة في هذا التوقيت، لم تكن مفاجأة، متعودين منه على كده، ودي شخصيته".
اضافة اعلان
وأضاف: "الحضري، أسطورة، هو أفضل حارس في تاريخ مصر، الحضري، مشتت شخصيته وهو شغال في مكان بيفكر دايمًا هيعمل إيه في حتة تانية، الحضري طبيعة شخصيته المادة بتأثر على قراره".
وواصل: "الحضري، دايمًا مشتت هو شغال في مكان عاوز يروح مكان تاني، ممكن بسهولة جدًا أي حد يضحك عليه عشان يغير قراره، في رأيي هو خسر كتير بقرار رحيله عن المنتخب الأولمبي، وهيندم على قرار أنه ترك منتخب مصر في وقت صعب".
وعن إمكانية عودته للعمل مع منتخب مصر مرى أخرى: قال : "لو الناس اللي بتشغله بره مصر رجعوا تاني مسكوا الكرة في مصر (هاني أبو ريدة وأحمد مجاهد)، الحضري، هيرجع، لأنه تابع ليهم وواحد منهم، هما اللي قالوله خد القرار بالرحيل عن المنتخب الأولمبي وهما اللي شغلوه مع كوبر".
وأكمل: "هاني أبوريدة، لا يدير الكرة في مصر حتى الآن، ولكن في ناس من (صبيانه) موجودين في اتحاد الكرة، هاني أبوريدة، كان بيدير الكرة بعد وفاة سكمير زاهر، لذلك التخلص من صبيانه هياخد وقت، الكل المشاكل في الكرة المصرية أساسها (صبيان) هاني أبوريدة".
