نجم الأهلي السابق يفتح النار على مصطفى يونس

علق شريف عبدالمنعم، نجم النادي الأهلي السابق، على تصريحات زميله السابق مصطفى يونس، عن رموز القلعة الحمراء، خلال الفترة الأخيرة، موجهًا له انتقادات لاذعة.اضافة اعلان

وقال عبدالمنعم في تصريحات خلال برنامج «الكلاسيكو» عبر قناة «أون»: «مصطفى يونس تجاوز في حق رموز الأهلي، وحق شخصيات محترمة، ومش ده الأسلوب اللي ممكن تتكلم بيه، وميطلعش منك أنت بالذات، أنت نجم كبير عيشت في وسطنا وعيشت في النادي الأهلي».


وأضاف: «مينفعش أنت كنت كابتن وقائد النادي الأهلي، لو عندك حاجة جواك مينفعش تخرجها بهذا الشكل، ممكن يكون في شخصيات بتأثر عليه، وهذا تجاوز مينفعش ومرفوض».

وتابع: «أنا أرفض ما قاله مصطفى يونس، والانتقاد لابد أن يكون في المقبول»، ورفض شريف عبدالمنعم التعليق على شطب مطالبات اسم يونس من عضوية الأهلي قائلا: «مليش في الموضوع ده في ناس مختصة».

وأتم: «مصطفى يونس كان كابتني وهو عارف إزاي أنا بحبه، بس اللي أنا بتفرج عليه ده أنا مش مصدقه، ليه؟، وهتستفاد إيه؟، ياخي لو حد جه عليك يا بخت اللي بات مظلوم ولا باتش ظالم».