وجه شريف حازم لاعب الأهلي السابق، انتقادات حادة لـ فريق نادي الزمالك بسبب عبدالله السعيد نجم الفريق، مؤكدًا أنه من العيب أن يكون لاعب عنده 40 سنة هو الأفضل في الفريق.
اضافة اعلان
وقال شريف حازم في تصريح تليفزيوني عبر شاشة «إم بي سي مصر»: «عبدالله السعيد مضحاش لما راح الزمالك، لأنه كان هيبقى ضحى فعلًا لو راح الزمالك قبل بيراميدز».
وأضاف: «هل عبدالله السعيد يستاهل الرقم الكبير اللي طالبه من نادي الزمالك؟، الجواب لأ، لأنه مش هيقدم نفس المردود اللي قدمه السنة اللي فاتت، وعبدالله السعيد جامد عشان الزمالك فرقة مش جامدة».
وتابع: «لو الزمالك عمل تدعيمات، في ناس من اللي بتلعب أساسي هتقعد دكة وبالتالي الفرقة هتظهر بشكل أقوى من كدة، وكارثة أن عبدالله السعيد عنده 40 سنة وأفضل لاعب من الزمالك».
واختتم: «أنا مش بقلل من عبدالله السعيد، أنا بقلل من اللعيبة التانية أنها 25 سنة ومش قادرة تبقى أفضل من عبدالله».
