يرى محمد صلاح نجم الزمالك السابق أن نادي بيراميدز سيكون خارج المنافسة في الموسم الحالي، وأن المنافسة ستنحصر بين الأهلي والزمالك.
وقال محمد صلاح في تصريحات إذاعية عبر «أون سبورت»: «دايمًا بقول مفيش غير زمالك وأهلي، وأنا ضد جملة إن بيراميدز أخد مكان الزمالك».
اضافة اعلان
وأضاف: «بيراميدز مش هيكمل في المنافسة لأنه معندوش جماهير، والزمالك عمره ما بيبقى حصان، ودايمًا بيبقى أول وتاني، والسنة اللي فاتت كانت كبيسة بالنسبة للزمالك، من جانب القيد واللاعبين والفلوس».
وتابع: «بيراميدز مش هيكمل في المنافسة بدليل إنه كان بيشتري بعض الجماهير في مباراة نهائي دوري أبطال أفريقيا».
وأتم: «الجماهير هي اللي بتخلي اللعيبة تطلع اللي عندها».
يذكر أن نادي بيراميدز كان قد تعادل مع نظيره وادي دجلة سلبيًا، في أول مباراة له ببطولة الدوري المصري الممتاز.
