وكيل إبراهيم عادل يكشف تفاصيل صادمة في رفض بيراميدز احترافه

كشف أحمد عباس، وكيل إبراهيم عادل، لاعب بيراميدز، تفاصيلًا صادمة بشأن رفض احتراف اللاعب في صفوف خيتافي الإسباني.
وقال أحمد عباس في تصريحات عبر قناة «صدى البلد»: «أنا معايا وكيل مصري ومعانا وكيل إسباني اتفقنا مع بعض واحنا متابعين إبراهيم عادل في أوليمبياد باريس، وجبنا عرض رسمي من خيتافي».اضافة اعلان

وأضاف: «تم الاتفاق على المبلغ المالي 4 مليون يورو إعارة، نبدأ 650 ألف يورو وتستكمل بعد 6 أشهر الـ4 مليون يورو».
وأكمل: «ولكن فوجئنا إن نادي بيراميدز بعت واحد تاني مع اللاعب منعرفوش وقالوا ده وكيله. طبعًا في أوروبا اللي بيقدم العرض هو اللي بيكون معاه الاتفاق، وبيراميدز قالوا مش هيتم إلا عن طريق الوكيل بتاعه».

وتابع: «خيتافي بعتلنا رسالة رسمية بالكلام ده، لحد قبل ساعتين من امبارح بيراميدز كانوا مصممين على إنه اللي يروح، دي طريقة مش احترافية ولا تصح».

وأكمل: «خيتافي اتخذ قرار بإغلاق ملف إبراهيم عادل، الولد في حالة انهيار شديد».