فتح أحمد عيد عبدالملك نجم الزمالك ومنتخب مصر
السابق، النار على مجلس إدارة القلعة البيضاء، بعد أنباء توقيع زيزو لاعب الفريق
مع النادي الأهلي خلال الفترة الجارية.
اضافة اعلان
وكتب أحمد عيد عبدالملك عبر حسابه على موقع
التواصل الاجتماعي «فيس بوك»: «الزمالك بقاله سنين ماشي اليوم بيومه مفيش ترتيب
للمستقبل بربع جنيه مع تعاقب الإدارات اللي مفيش اختلاف بين كل الإدارات ومفيش أي
منطق لأي حاجة بيعملوها وبتحصل فالنادي بتكسب بطولات بالصدفة علشان جمهورك وبيجيلك
لاعيبة علشان تاريخك واللي مقومك الجمهور وتاريخ النادي يعني مفيش نظام من زمن وده
اللي بيوصلك للحال اللي أنت فيه حتى أما اتعشمنا في ناس المفروض نضيفة جاية تنقلك
لمرحلة النظام بعد سنة ونص محدش فيهم موجود فالمشهد كله مستخبي ومصدرين ناس عندهم
رصيد عند الجمهور يشيلو عنهم».
أضاف: «مجلس وصلك للوضع الحالي في قصة تجديد لاعب
عمال يبيع ويشتري فالنادي هو وأبوه ومقدرتش تبيعه فالصيف خوفًا من الجمهور».
وأكمل: «النهاردة بتحصد كل ده لاعب بيروح
للمنافس بكل سهولة أنت وهو متخاذلين واحد إداريًا صفر والتاني طماع عاوز كل حاجة
فالدنيا وهو عامل أسوأ موسم ليه وخلى الناس المسؤولة تصدقه وتكتب إنه هيجدد ولبسهم
مع الجمهور».
وزاد: «مفيش نادي بيقف على لاعب فعلًا بس مش كل
اللاعيبة بتتعوض بقالك 5 سنين بتفقد أهم لاعيبة في أفريقيا ومش عارف تعوضهم النادي
مش هيقفل بس هتاخد بطولة كل فين وفين بالصدفة».
وأتم: «كل حاجة في المتناول والرجوع للمنافسة
في مصر فالمتناول مفيش حاجة منطقية طالما تقدر تدفع 80 و100 مليون فالسنة للاعب هو
كان جاي رقم 5 في مكانه يبقي تقدر ترجع لو عندك ناس بتفهم وبتحب المكان بس وبتفكر
صح بعيد عن تفكير الإدارة الضعيفة اللي لازم يبعدو عن ملف الكرة نهائي اللي أثبتوا
فشلهم في 3 فترات قيد للفريق طلعت بلاعب واحد بس !!».
