الحضري يدعم الشناوي بكلمات مؤثرة

دعم عصام الحضري، أسطورة منتخب مصر، محمد الشناوي، حارس مرمى فريق الأهلي، بعد الهجوم الكبير عليه من الجماهير عقب الخسارة بهدف من شباب بلوزداد الجزائري بهدف نظيف، في إطار الجولة الرابعة من دور المجموعات ببطولة دوري أبطال إفريقيا.اضافة اعلان

وكتب عصام الحضري عبر منصة "فيسبوك" قائلا: "يا شناوي ما يهزك ريح، محمد الشناوي واحد من أفضل حراس المرمى الذين مروا على تاريخ النادي الأهلي والكرة المصرية، والطبيعي أن لكل جواد كبوة".

وتابع: "لكن اللي مش طبيعي إن في ناس بتستنى أي حاجة وتبدأ تشغل لجانها، واللي بيحصل مع الشناوي متعمد ومقصود، من امتى بيتم محاسبة لعيبة الأهلي بالقطعة؟ وده مش لاعب عادي ده قائد الفريق".

وأضاف: "‏تاني وتالت ورابع.. ما يحدث مع الشناوي متعمد وبيلعبوا على الناحية النفسية له، فلازم جمهور الأهلي الحقيقي يفهم اللي بيحصل مع أهم ركائز الفريق واللي رصيده عند جمهوره المفروض يحميه من كل صاحب مصلحة، وللحديث بقية".