علق هيثم عرابي مدير التعاقدات السابق في النادي الأهلي ومدير التعاقدات الموسم الماصي في نادي أسوان، على ما تردد في الساعات الماضية حول اختفاء عقد بيع إمام عاشور من نادي الزمالك لنادي ميتلاند الدنماركي من داخل القلعة البيضاء.
اضافة اعلان
وكتب هيثم عرابي اليوم الأربعاء عبر حسابه الشخصي على موقع «إكس» أو تويتر سابقًا: «مساء الخير يا شباب.. لو فعلًا تم اختفاء عقد بيع إمام عاشور لميتلاند من الزمالك وإن الفلوس لم تدخل خزينة النادي زي ما بيتقال فاللجنة الثلاثية الموجودة حالياً كل اللي محتاجة تعمله إنها تجيب الاداري اللي ماسك السيستم بتاع الزمالك وفي حالة أن الراجل دا مش موجود أو مشي أو مش عارفين يستلمو السيستم منه يخاطبو الفيفا رسمي بتغيير اسم المستخدم وكلمة السر ويدخلوا على السيستم وكل اسئلتهم حيلاقوا الاجابات عليها في المستندات المرفوعة على السيستم».
وتابع هيثم عرابي: «أولآ: إمام عاشور انتقال دولي يعني أوراق الانتقال تم رفعها على TMS وبيانات الانتقال بالتفصيل ومقابل الانتقال وطريقة ومواعيد السداد بتكون موجودة ومعاهم العقد الموقع».
وأوضح مدير التعاقدات السابق في الأهلي: «النقطة الثانية من أول السنة دي الاتحاد الدولي استحدث منظومة اسمها FIFA CLearing House ودي دورها مراقبة التعاملات بين الأندية لضمان شفافية المعاملات المالية من خلال إلزام الاندية الشارية في الحالة دي (ميتلاند) انه يبعت اثبات انه بعت الفلوس برقم الحساب الباعت منه لرقم الحساب للمتلقي (الزمالك) كل دا موجود على السيستم .
وأضاف هيثم عرابي: «الحل بسيط ياجماعة.. مسؤول الـ TMS في نادي الزمالك ينزل المستندات من على السيستم وحيكون متسجل فيه رقم حساب اللي تم التحويل ليه».
