وجه محمود عبدالمنعم كهربا، لاعب الفريق الأول لكرة القدم بالنادي الأهلي، رسالة إلى الجماهير، بعد التتويجات الأخيرة، أبرزها لقب دوري أبطال إفريقيا، على حساب الوداد المغربي.
اضافة اعلان
وكتب كهربا عبر حسابه الشخصي على موقع التواصل الإجتماعي فيس بوك: «بعد إيقاف ٦ شهور الحمد لله قدرت أقف على رجلي تاني و بسرعة جدا و أكمل مسيرتي».
وأضاف: «موسم صعب و كله ضغوطات إنتهى بأن الأهلي بطل كل حاجة و بكرم ربنا و دعم جمهور الأهلي قدرنا نحقق كل البطولات اللي شاركنا فيها مكنش هينفع إننا نستسلم في وسط الطريق كان لازم نكمل للأخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك و أجتهد».
وتابع:« إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله فس أي ضغط من الضغوطات الكتير الي اتعرضتلها كنت برميه ورا ضهري و أركز في تمريني و أركز في الملعب و أسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي».
وواصل: «ولا أي كلام هيوفيهم حقهم ولا هيوصف اللي في قلبي من ناحيتهم الحمد لله قدرنا نحقق كل حاجة و في النهاية بشكر كل شخص قدملي المساعده ووقف جنبي من اول بيتي النادي الأهلي و مجلس الإدارة و المدير الفني و الجهاز بأكمله و أخواتي في الملعب إلى عمال غرفة الملابس و المنظومه جميعا و اشكر عائلتي الداعم الحقيقي و الدائم في كل الاوقات».
وأتم: «بشكر كل إللي وقف جمبي و كان بيشجعني و كان حافز إني أكمل و مستسلمش شكرا من كل قلبي.. الحمد لله».
