رسالة مؤثرة من شقيق أحمد رفعت بعد وفاته

طالب محمد رفعت، الجماهير المصرية بالدعاء لشقيقه أحمد رفعت، الذي وافته المنية صباح أمس السبت، بعد تدهور حالته الصحية.

وكتب محمد رفعت، على صفحته عبر موقع التواصل الاجتماعي «فيس بوك»: «أول مرة أكتب وقلبي وعقلي مش مستوعبين اللي بكتبه أو إللي بحكيه لأن أنا النهاردة فقدت روحي والله العظيم روحي وسندي وضهري وأخويا وأبويا الكابتن أحمد رفعت».اضافة اعلان


وأضاف: «من حوالي 17 سنة أبويا رحمة الله عليه توفى وكان عندي حوالي 12 سنة ومكنتش حاسس بأي حاجة غير إن أبويا مش هشوفه تاني وهيوحشني أوي وكنت بعيط وقدام الناس كلها بس النهاردة أنا فعلًا أبويا مات لأني معيطش كتير من الألم الدموع منزلتش قدام الناس لأن ضهري أتكسر وقلبي أتعور».

وتابع: «أخويا كان شايل جبل على كتفه وأنا مش حاسس بيه، أنا بتمنى إن أنا اللي أكون مكانه لأني مش هعرف أعمل اللي هو كان بيعمله من حنية وخوف علينا وحكمته وصبره اللي مش عارف أفسره لحد دلوقتي الشخص ده كان راجل بمعنى الكلمة، أنا مش عارف اتكلم بس أنا مش قادر أصدق اني مش هشوفه تاني ولا هسمع صوته تاني. أنا نفسي أخويا يرجع تاني يارب رجعه تاني يارب».

وأتم: «بالله عليكم لا تنسوه في دعائكم ولا في صلواتكم والله كان طيب لين سهل قريب وكان من الصالحين وخيره كتير أوي على الناس كلها.. إن لله وإن إليه راجعون اللهم اجرنا في مصيبتنا اللهم ارحمه واغفر له وثبته عند السؤال واجعل هذه الليلة أسعد لياليه يارب العالمين».