رسالة مفاجئة من الدماطي لجماهير الأهلي

حرص محمد الدماطي عضو مجلس إدارة النادي الأهلي على توجيه رسالة لجماهير المارد الأحمر قبل مواجهة الوداد المغربي في إياب نهائي دوري أبطال أفريقيا يوم الأحد المقبل بمركب محمد الخامس في الدار البيضاء.اضافة اعلان

وكتب الدماطي عبر حسابه على فيس بوك:«رسالة من مشجع أهلاوي قبل أي شيء بنلعب بطولة أفريقيا من سنة77 لحد سنة 2005، عمرنا ما كسبنا ماتش نهائي خارج ملعبنا وفي 2006 بتلاعب الصفاقسي واتعادلنا على ملعبنا 1/1 ولعبنا ماتش وحش جدا وبرضه التحكيم كان وحش، وقبل النهائي كنا خسرانين 3-1 من آسيك وعلى وشك نخرج مع إننا اتقدمنا بجول في الاأول ، حصل اية وقتها، قولنا إننا نستاهل وأدائنا وحش في البطولة وطلعنا تاني مجموعة، ولا قلنا احنا خسرنا في المجموعة من نفس الفرقة 1-0 صفر وكده خلاص، ولا قلنا التحكيم ، كلنا قلنا حنعمل المستحيل، وعملناه وحققنا أول فوز في تاريخنا على فريق تونسي على ملعبه».

وأضاف الدماطي: «هنلعب وهنموت نفسنا واللي ربنا يريده هيكون، وإن شاء الله يارب السنة الجاية واللي بعدها هنبقي في النهائي برضه عشان إحنا الأهلي إحنا الأهلي إحنا الأهلي».