رسالة نارية من الدماطي بشأن الزمالك

أوضح محمد الدماطي، عضو مجلس إدارة النادي الأهلي، حقيقة تصريحاته ضد نادي الزمالك، بشأن تتويجه ببطولة الدوري عام 2021.
كان الدماطي، قال خلال بودكاست «إحنا الإيجيبشن ليج»: «بطولة الدوري عام 2021 -توج بها الزمالك- موجه بنسبة 100% بسبب الأخطاء التحكيمية وسجلنا اعتراضنا أكثر من مرة ولم يحدث أي تغيي، عكس دوري 2022 -حصل عليه الزمالك- الذي خسرناه داخل المستطيل الأخضر».اضافة اعلان

وكتب محمد الدماطي، عبر صفحته الرسمية على موقع التواصل الاجتماعي «فيس بوك»: «كلمتين عشان القيل والقال الكتير وعشان أنا مش بحب جو التقطيع وسوء النية».

وأضاف: «أنا قولت في حديثي اللي متقالش من زمان في علاقة الاهلي بالزمالك، وقولت إن مفيش حاجة اسمها عداوة وده جو خيالي، وطول ما في كشافات بتترفع في الدقيقة 20 من جمهور الأهلي والدقيقة 74 من جمهور الزمالك يبقي مفيش حاجة اسمها عداوة».

وتابع: «وقولت إن لو حشجع ضد الزمالك في ماتش لكن لو عندي اختيار احب دايما الزمالك يبقي موجود، وكل بيت وشركة ومدرسة عبارة عن جمهور أهلي وزمالك، حتي دوري 2021 قولت إن لو الاهلي كان مكان الزمالك وقتها كان حصل نفس الموضوع».

وأتم: «أنا بكتب الكلام ده لا عشان شكاوي ولا غيره عشان مش دي مشكلتي لكن محبش إني ابقي مثار جدل أو تعصب».