صديق زيزو يكشف كواليس صادمة في الزمالك

كشف معتز نجيب، الصديق المقرب من أحمد مصطفى «زيزو»، نجم نادي الزمالك، عن كواليس قرار اللاعب بشأن عدم تجديد عقده مع الفريق الأبيض، والذي ينتهي بنهاية الموسم الجاري.اضافة اعلان

ويرفض «زيزو»، تجديد عقده مع الزمالك، بسبب الاختلاف على المقابل المادي، وتلقى اللاعب في الساعات الماضية عرضًا من النادي الأهلي لينضم لصفوفه في الصيف المقبل في صفقة انتقال حر.

وكتب معتز نجيب صديق زيزو عبر حسابه على موقع التواصل الاجتماعي «فيس بوك»: «لكل الناس اللي طالبه مني أرد، أرد أقول أيه؟ أقول إن راجل بقاله 8 شهور بيتسربله كل حاجه ليها علاقة بعقده وكمان بالكذب والناس مصدقة؟».

أضاف: «أرد أقول إن الراجل دا من اللي شافه من المجلس خلي زيزو بعد كل اللي عمله فالنادي يبقي مش حابب يروح التمرين حتي! أرد أقول إن الراجل دا الجمهور بيشتموا فالمدرجات هو وأبوه كل ماتش وأنا سامع وهو فالملعب سامع! أرد اقول إن الراجل دا اتغناله روح يا زيزو من جمهور نادي الزمالك بعد كل اللي عمله!».

وأتم: «خلوني ساكت أحسن ومحدش يقول هنبقي في ضهره عشان محدش كان في ضهره فالـ 8 شهور اللي فاتو وبردو بعد كل دا أتمني أن يحدث فالأمور أمور».


ويعد ملف أحمد سيد «زيزو» شائكا داخل مجلس إدارة نادي الزمالك بعد أنباء رحيل انتقال اللاعب للنادي الأهلي، خلال الساعات الماضية.