علق مدحت عبدالهادى، نجم الزمالك السابق، على الفيديو الأخير الذى وجه خلال سباب إلى النادى الأهلى، خلال موادهة الزمالك مع سموحة، في بطولة الدوري.
وتقدم النادى الأهلى بشكوى للنائب العام ضد مدحت عبدالهادى بعد الفيديو المنشور، الذي يسب من خلاله النادي الأهلي.
اضافة اعلان
وقال مدحت عبدالهادى، فى فيديو عبر حسابه الرسمى على "فيس بوك": «مساء الخير أنا طالع أوضح الأمور والواقعة اللى دايرة على السوشيال ميديا، مبدئيًا كل التقدير والاحترام لإدارة وجماهير النادى الأهلى، أنا مش من النوعية اللى بتغلط فى حد سواء لما كنت بلعب أو لما بطلت».
وأضاف: «فى الاستوديوهات أنا حتى لما بتكلم مش بهاجم حد خالص، طبعًا الموقف كله كان وقت مباراة سموحة وإحنا كسبانين وكان أحد المشجعين بيتكلم ويقول الأهلى كسبان قولتلهم ملناش دعوة خلينا هنا».
وتابع: «رد حد تانى بلفظ قولتله متقولش كده، حتى وهما بيصوروا قولتلهم أنا مش ببرر يعنى محدش يجيب سيرة الأهلى، عشان كده عمرى ما طلع منى غلط ولا غلطت فى الأهلى، أنا بس كنت بوضح الأمور اللى دارت أثناء المباراة، واللى حصل بالظبط وبقول كل التقدير والاحترام لكل مجالس مصر كلها وأندية مصر كلها».
وواصل: «طول عمرى لا شتام ولا سباب، وعمرى ما اتربيت إنى أغلط فى حد. أنا زملكاوى لحد النخاع وبشجع بيتى بكل حب، الفيديو المتداول ده للأسف متاخد ومجتزأ من سياقه الحقيقى، والكلام كان أصلاً بينى وبين واحد من الجماهير اللى كان بيشتم وكنت بقول له ما ينفعش تقول كده، لكن اتقص جزء من الكلام واتنشر بشكل يوحى بمعنى تانى علشان يعمل فتنة بين الجمهورين».
