علق ناصر ماهر، صانع ألعاب نادي الزمالك، على استبعاده من قائمة منتخب مصر لكرة القدم التي تستعد لمعسكر شهر نوفمبر، والذي ينطلق فى الفترة من 10 إلى 18 نوفمبر الجاري بالإمارات.
اضافة اعلان
وكتب ناصر ماهر، عبر حسابه الشخصي على انستجرام، أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.
وأضاف لاعب نادي الزمالك، بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة.
واختتم ناصر ماهر، بصراحة، اللي حصل ظلم ظلم كبير جدًا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط أي جبل.
