نجم الحدود: جمهور الأهلي شتمني بأمي.. وكهربا عمل حركة مش كويسة

كشف إبراهيم القاضي، مدافع الفريق الأول لكرة القدم بنادي حرس الحدود، عن سبب إشارته المسيئة لجماهير النادي الأهلي، خلال مباراة الفريقين في بطولة الدوري، التي أقيمت أمس الأربعاء، وانتهت بالتعادل الإيجابي، بهدف لكل فريق.اضافة اعلان



وشاور إبراهيم القاضي، لجماهير الأهلي على حذائه، خلال مباراة الفريقين بالأمس.
وكتب إبراهيم القاضي، عبر صفحته الرسمية على موقع التواصل الاجتماعي “فيس بوك”: “السلام عليكم حابب أوضح حاجة بخصوص ماتش الأهلي واللي حصل فيه ياريت أي حد يعرفني أو صديق ليا مينزلش صور ليا ويعلق تعليق مستفز لحد تاني”.
وأوضح: “يا شباب أنا اتشتمت بأهلي وبوالدتي ورد فعلي لا إرادي يعني أنا لا بتاع شو ولا تريند ولا ليا في الجو ده، اللي حصل من كهربا انه استفز زميلي وبيعمل حركه مش كويسه اللي بيفهم هيعرف انه بيقل منه وأنا روحت دفعته دفعه عادية والله هو زودها شويه وخلصنا خلاص لقيت المدرج اللي ورايا بيشتم أهلي ووالدتي”.



وتابع: “عايز حد يقولي ويرد عليا بعيد عن الكورة مين يقبل إن أهله ووالدته تتشتم في ناس كتير متعرفش حصل إيه وبتشتم وبتتكلم ومش عارفين حاجة، حقك تشجع فريقك طبعا أنا لا فارق معايا ناس تتبسط من اللي حصل ولا ناس تزعل مني عشان فريقهم اللي يفرق معايا أهلي وتغور أي حاجة بعد كدة.. وتاني مرة أنا والله لا ليا في شو ولا تريند ولا الجو ده خالص وشكرًا”.