القندوسي يفجر مفاجأة: عشان تدخل الأهلي لازم تعدي على وكلاء لاعبين (فيديو)

فجر أحمد القندوسي، لاعب النادي الأهلي والمعار إلى سيراميكا كليوباترا، مفاجآت صادمة، بشأن فرض القلعة الحمراء التعامل مع وكلاء معينين لإتمام التعاقد مع اللاعبين.اضافة اعلان

واستشهد القندوسي في تصريحاته عبر قناة «أون تايم سبورتس 1»، ما حدث في صفقة زين الدين بلعيد، والتي لم يتمكن الأهلي من إبرامها.


وقال أحمد القندوسي: «موضوع زين الدين بلعيد فشل بسبب الوكلاء، ولا فلوس ولا حاجة، كل اللي بيطلع في الإعلام كذب، محدش عنده الحق».

وأضاف: «أنا أقولك الصح، هو باظ عشان الوكلاء، زين الدين بلعيد كان 70% من الأهلي، هو هييجي بوكيله، لكن الناس عشان يدخل في الأهلي لازم يدخل مع فلان (وكيل لاعبين)».

وأكمل: «أنا بقول الحقيقة أنا مش هخاف من حد، هو زين الدين بلعيد من صغره معاه وكيله، مينفعش أسيب صاحبي عشان جنيه، هو قال للأهلي أنا هجيب وكيلي تفاوض معاه، والأهلي صدرله حد يتفاوض معاه، الأهلي قاله وكيلك مش هيدخل الأهلي، فقال ده وكيلي، وبعدها عملوله قصة، احنا كجزائريين منقبلش حد يجبرنا على حاجة».




وتابع: «قالوا القندوسي قال لـ بلعيد متجيش الأهلي عشان ملعبش، ولو بلعيد وصل كان زمانه أخد أفريقيا ودوري ولعب كأس العالم للأندية، وكان هياخد فلوس كتير ويلعب للأهلي، إزاي أنا هقوله متجيش».