"تدريب برايفت للمهاجمين".. عماد متعب يكشف مشروعه الجديد (فيديو)

كشف عماد متعب، نجم الأهلي السابق، عن خططه المستقبلية في مجال التدريب، مؤكدًا أنه يعمل حاليًا على تطوير نفسه من خلال الحصول على دورة تدريبية متخصصة.
اضافة اعلان
وقال متعب خلال ظهوره في بودكاست “الأسطورة”: “باخد دورة تدريبية، عشان بفكر أعمل تدريب تخصصي للمهاجمين، تبقى برايفت، مران تخصصي للمهاجمين”.

وأضاف : "دي كانت حصلت قبل كده مع هنري في منتخب بلجيكا، وانا ناوي اخد الموضوع دراسة والموضع فكرته انك بتشوف المهاجم وتحركاته في الماتش وفي التمرين بتجيبه بعد كل ماتش وبعد كل تمرينة، بتقوله انت عملت ده صح او عملت ده غلط، اتحركت هنا صح او اتحركت هنا غلط، هنا كان لازم تقطع على القريبة هنا كان لازم تقطع على البعيدة، ده شق نظري على الفيديوهات من الماتشات والتمرين".

وتابع: "فيه شق عملي حصة تدريبية عدد معين من الايام في الاسبوع اشتغل مع المهاجمين على المواقف اللي بيعدوا بيها في الماتش ويتصرف فيها ازاي واهم حاجة في الموضوع التكرار لان الناس عندنا بتزهق.".