علاء ميهوب يهاجم إمام عاشور: "أوعى شيطانك يلعب في دماغك".. فيديو

فتح علاء ميهوب، نجم الأهلي السابق، النار على إمام عاشور، لاعب خط وسط الفريق الأول لكرة القدم بالنادي الأهلي، بعد أزمته الأخيرة وتخلفه عن السفر مع بعثة الفريق إلى تنزانيا لخوض مباراة يانج أفريكانز.اضافة اعلان


وقال علاء ميهوب، في تصريحات عبر برنامج "ملعب أون"، المذاع عبر فضائية "أون سبورتس": "الموقف اللي عمله إمام عاشور، مش بتاع اعتذار، لازم يا إمام، تعرف إنت فين بالظبط، إنت يا حبيبي في النادي الأهلي، أكبر نادي في أفريقيا والشرق الأوسط وأي حد يتمنى يمشي جنب النادي ده، مش ينتمي ليه".

وأضاف: "إنت بقالك 3 سنين في النادي الأهلي وجاي من الزمالك نادي كبير، إنت دي مش أول مشكلة إنت عملت مشكلة قبل كده، الأهلي بجماهيره بإداراته وبطولاته واللعيبة العطيمة اللي جت على مدار التاريخ عمره ما بيقف على حد، اللعيبة مش موجودة، الأهلي مستمر ببطولاته وجماهيره، الأهلي عمره ما وقف على حد، ياما لعيبة عطيمة اعتزلت".

وواصل: "إنت لسة مش عارف قيمة الأهلي وجماهيره، أنا هقولك تعرفها إزاي، قبل ما تبقى لاعب كويس، لازم تعرف احترامك للنادي كويس وجماهيره، مهما كنت للاعيب عظيم، الـ3 سنين في الأهلي حاجة، وعمرك كله حاجة تانية".

وأكمل: "إنت خدت نجومية وبقيت أفضل ماديًا، أوعى شيطانك يلعب في دماغك وتقول هكبر شوية على الأهلي، إنت عمرك ما هتلوي دراع النادي الأهلي".

وأتم: "أوعى تعمل حركة تاني تسيئ للنادي الأهلي وجماهيره، جماهير الأهلي زي ما هي مطلعاك سابع سما ممكن تخسف بييك الأرض"