فيديو.. أسامة نبيه «أنا مش فاشل.. ومش كل مرة هعتذر»

رفض أسامه نبيه، المدير الفني لمنتخب الشباب الاعتذار للجماهير عن الأداء الذي ظهر به الفراعنة في بطولة كأس العالم تحت 20 عاما المقامة في تشيلي ومن ثم الخروج من الدور الأول.اضافة اعلان

وقال أسامة نبيه في تصريحات تليفزيونية عبر قناة «إم بي سي مصر 2»: «التوفيق من عدمه دي متقدرش تتحكم فيه، وبالنسبة للاعيبة إلى كنت شايلها كان للأوقات الصعبة الـ 18 لعيب في 3 المباريات شاركوا».

وتابع: «الـ 18 لعيب كلهم شاركوا وبنسب متفاوتة، هو أنا هينفع الاعبهم كلهم في الماتش، خلاص خدوا فترات اللعب المناسبة وقراري صح ولو عديت الدور دا كنت هلاعب فرقة زي المكسيك واريح بقا وادخل باللاعبين الجديد حسبة مدربين المدربين بس هما اللي يعرفوها».

وواصل: «أكيد عندي قرارات غلط خدتها ولما هقعد وهأهدأ عشان بقالي بس 48 ساعة هراجع نفسي ليه على الهواء أن أنا اعتذر وكدا، أنا اعتذرت بعد الماتش التاني على طول، وفي اعتذار عن المرحلة، أنا اعتذرت عن المباراة التانية ولما تخسر تاني مباراة عن المجموعة، أنا مش كل مرحلة وكل مرة هطلع اعتذر».

وأكمل: «أكيد بعتذر للناس بس عشان الفشل ولا عدم توفيق؟ أنا بعتذر عن عدم التوفيق ومش بعتذر إني فشلت؟! وفي جزء من الشعب المصري عايز يسمع حتة معينة وهو الاعتذار عن الفشل ودا لا مش هعمله ومش هسمعهاله».