وجه الإعلامي
أحمد شوبير حارس مرمى الأهلي ومنتخب مصر السابق رسالة نارية إلى جماهير الأهلي
والمنتقدين عبر وسائل السوشيال ميديا بشأن استرخاص الأهلي ومسؤوليه في الصفقات
الجديدة.
اضافة اعلان
وقال أحمد شوبير
تعليقا على تعاقد باريس سان جيرمان مع مدرب الأهلي لكرة اليد الدنماركي ستيفن
مانسن: «المفاجاة بقه بالنسبة لي بعيدا عن كرة القدم إن الدنماكري ستيفن مانسين
مدرب الأهلي لكرة اليد إلى بعتبره كان صفقة ممتازة وعمل نتائج رائعة مع الأهلي
وعقده كان لمدة سنتين، فوجئنا كلنا إمبارح إن نادي باريس سان جيرمان قال إن هذا
المدرب سيقود فريق اليد في باريس بدء من يوليو 2025».
وتابع شوبير: «مانسن حقق نتائج رائعة مع كل
الفرق التي تولى تدريبها قبل الأهلي في أوروبا فهو مدرب ناجح جدا وحقق مع الأهلي
بطولة أفريقيا وفاز على برشلونة في كأس العالم للأندية كأول فريق أفريقي يقوز على
برشلونة».
وأوضح شوبير:
«تعاقد باريس سان جيرمان مع مدرب الأهلي يدل على جاجتين أولًا العين الخبيرة اللي
جابت الراجل ده بدليل نتائجه وإن إن الراجل مطلوب واسمه ملعلع في أوروبا والحاجة
الثانية إن الأهلي مش بيسترخص في الصفقات».
وأضاف شوبير:
«بقول الكلام ده عشان النغمة اللي شغالة دلوقتي إن الأهلي بيسترخص، ومجلس الإدارة
مش عايز يصرف على الصفقات، أنا نفسي يبقىة عندي كل اللاعبين وأحسن اللاعيبة بس
هتجيب فلوس منين هتجيب دولارات منين».
واختتم شوبير:
«على الجميع أن يثق في إدارة الأهلي، ده كمان أي فلوس بتدخل للنادي بتروح مباشرة
على تدعيم الفرق قدم ويد وسلة وطائرة وغيرها، فالأمر محتاج شوية من الهدوء وشوية
من الثقة مش كل خسارة تحصل الدنيا تقوم ومتقعدش».
