فيديو.. شوبير: الخطيب تدخل لمنع رحيل "أوفا" عن الأهلي

كشف الإعلامي أحمد شوبير، عن كواليس جلسته مع محمود الخطيب رئيس النادي الأهلي لطلبه رحيل نجله مصطفى شوبير حارس مرمى النادي الأهلي على سبيل الإعارة خلال فترة تولي الجنوب إفريقي بيتسو موسيماني الإدارة الفنية للفريق الأحمر.اضافة اعلان

وقال شوبير خلال بودكاست "الأسطورة": «موسيماني، لما كان ماسك النادي الأهلي تصادف مرة إني كنت موجود في التمرين، جه وكلمني عن مصطفى وأثنى عليه لكن قالي أنا بنصحك تطلعه بره يلعب أفضل لإن فرصته في اللعب للأهلي في الوقت الحالي صعبة».

وأضاف: «وقتها أنا كنت مسئول في فيوتشر وعلي ماهر كان عايزه، ويشهد على ذلك أحمد دياب وكان عند مصطفى أكثر من عرض تاني زي الجونة خلال فترة تولي رضا شحاتة تدريب الفريق».


وتابع: «كمان نادي البنك الأهلي كان طالب مصطفى شوبير، فقولت خلال هقول للخطيب ونشوف ساعتها العروض، ولو كدة يروح مودرن، قولت للخطيب استأذنك نشوف مصطفى عشان يطلع إعارة، رد وقالي إعارة إية!، لأ مصطفى ده مستقبل النادي ومش هيمشي من النادي».

وأكمل: «الخطيب وقال لي هكلمك بكرة الساعة 11، بالثانية تاني يوم لقيته مكلمني، وقالي اتكلمت مع موسيماني عايز الولد، ومتمسك بيه واحنا كمان كنادي متمسكين بيه لإنه مستقبل النادي».