فيديو.. شوبير يكشف مفاجأة في صفقة إيفرتون

كشف الإعلامي أحمد شوبير حارس مرمى الأهلي ومنتخب مصر السابق تفاصيل جديدة عن صفقة انتقال البرازيلي إيفرتون دا سيلفا لاعب فريق بانيك التشيكي لصفوف النادي الأهلي.اضافة اعلان

وقال أحمد شوبير: «الخلاصة في موضوع إيفرتون هو في الأهلي بيفضلوا يقدموا ترشيحات لمستر كولر لكه هو عنده مواصفات مواصفات معينة للاعبين يا ده يا إما بلاش، والمثال على كده قصة إيفرتون».

وأوضح شوبير: «إيفرتون الأهلي رشحه في الانتقالات الصيفية اللي فاتت لستر كولر فقال لأ، يعني حضرتك مش عايزه قال لأ مش عايزه، فرشحوه في موسم الانتقالات الشتوية الجاري وأعادوا فتح الكلام تاني فكولر قال معنديش مانع».


وتابع شوبير: «معرفش بقه الكلام اللي طلع من مسؤولي نادي بانيك إن عرض الأهلي كان لمدة 3 أيام ويردوا ده كلام صح ولا لأ، فوفقا للي سمعته بعتوه العرض قالوا 3 أيام للرد، فطبعا في النادي التشيكي لما عدى الـ 3 أيام قالوا العرض انتهت صلاحيته».


وأضاف شوبير: «ده مينفعش في المفاوضات مع الأندية الأوروبية لما تتفاوض مع ناس مينفعش اقول العرض لمدة 3 أيام، بس هما في الأهلي للأسف الشديد بيخافوا إن حد يخش ويزايد عليهم في الصفقة بس هو ده سوق الانتقالات».


واختتم: «فهل فعلا الأهلي أمهل النادي التشيكي 3 أيام وقال يإما كده يا إما بلاش مش عارف».