فيديو.. عمرو أديب: "اللي عمله وائل جمعة كان صح"

علق الإعلامي عمرو أديب، على إنفعال وائل جمعة، نجم الكرة المصرية السابق، على أحمد فؤاد، مقدم الاستديو التحليلي لمباراة الأهلي والجيش الملكي، في بطولة دوري أبطال أفريقيا.اضافة اعلان

وقال عمرو أديب، في تصريحات ببرنامج "الحكاية"، المذاع عبر فضائية "إم بي سي مصر": "أنا عايز أحيي وائل جمعة، أنا بتكلم إعلاميًا الراجل ده عمل الشغل اللي ساعات كتير لما تعمل حاجة غلط يبقى الصح".

وأضاف: "اللي عمله وائل جمعة، بالنسبة للناس بتوع مدارس الإعلام الكلاسيكي هو الغلط بس اللي عمله وائل، هو الصح".

وتابع: "اللي قاله وائل جمعة، كان في جرأة وكان بيعبر عن وجهة نظره، أنا بحيي في وائل، حبه للنادي الأهلي وحماسه، ولأنه عمل حاجة إعلامية تبدو خطأ، زميله قاله (خلينا نخرج فاصل إعلامي)، وائل رد وفقاله (مش هنخرج وخليني أقولك رأيي إن الكورة دي فيها ظلم)

بصرف النظر عن الكورة ضربة جزاء ولا لأ، ولكن اللي عمله وائل جمعة، إعلاميًا، كان صح، وأنا بقوله إنت كنت صح".