انتقد الإعلامي أحمد شوبير حارس مرمى الأهلي ومنتخب مصر السابق سياسة التعاقدات في النادي الأهلي والصفقات التي أبرمها النادي في الفترة الأخيرة.
وقال أحمد شوبير في تصريحات إذاعية اليوم الثلاثاء: "أنا هنا بنتقد النادي الأهلي في قصة محددة، وهو إنك عشان تجيب لاعيب لازم يمر على فلان وترتان، وبعدين فلان يروح لعلان وبالتالي بيتأخر جدا اتخاذ القرار".
اضافة اعلان
وتابع شوبير: "كمان بلوم جدا على المبالغ الرهيبة اللي بتتدفع في لاعيبة 80 في المائة منهم ملهمش لازمة، وأنا بقولها بكل صراحة ملهمش لازمة، وده من زمن مش من دلوقتي بس من أيام مانويل جوزيه، بس زادات قوي الفترة الأخيرة وفلوس كثيرة جدا بتدفع في لاعيبة فيه ناس من جوه الأهلي نفسه بتقول لك ازاي ندفع فيها كده، فلازم تهيكل الموضوع ده وتشوف له حل".
وأضاف شوبير: "الأنجولي كامويش حبوا يشيلوا صفقته للراجل أسامة هلال (في لجنة الإسكاوتنج) وهو ملوش علاقة بيه من قريب أو بعيد، يا جماعة ده النادي الأهلي وفيه كلام من جوه النادي كثير ولعبكة شغالة، ولازم الكلام ده يتوقف".
