الغندور يصدم جماهير الزمالك

يرى الإعلامي خالد الغندور نجم الزمالك السابق، أن الفريق الأول لكرة القدم بالقلعة البيضاء من الصعب أن يفوز ببطولة الدوري أكثر من موسم متتالي.

وقال خالد الغندور، في تصريحات تليفزيونية عبر فضائية «الزملك» «نادي الزمالك مش هياخد 5 دوري ورا بعض لا يمكن، لأن اللي بياخد 5 دوري ورا بعض، لازم اتحاد الكرة يكون بيخاف منه».اضافة اعلان

وأضاف: «اللي بياخد الدوري 5 سنين ورا بعض، لازم يكون عنده فلوس كتير جدًا، ولازم يجيب لعيبة ويحافظ عليها وميبعش اللعيبة اللي عنده ويجددلهم».

وتابع: «خناقة دخلناها بين الزمالك والأهلي على موضوع كهربا، الزمالك معه الحق، الزمالك هو اللي بيقول حق ربنا ومعه الحق في عقوبة كهربا، اتحاد الكرة عارف إن الزمالك معاه الحق، لجنة الانضباط خدت القرارات اللي شايفاها صح، ولجنة الاستئناف عارفة إن الزمالك معاه الحق، إيه اللي حصل في الأخر؟ الجامد القوي بينتصر واللوائح والنفوذ مبتنصرش».