الكشف عن أول لاعب فوق السن مع المنتخب في الأولمبياد

كشف الإعلامي أحمد شوبير، عن آخر مستجدات ثلاثي «فوق السن» المقرر انضمامهم لقائمة المنتخب الأولمبي تحت قيادة فنية للمدرب البرازيلي روجيرو ميكالي، للمشاركة في أولمبياد باريس 2024.اضافة اعلان

وقال شوبير في برنامجه «مع شوبير»، المُذاع عبر «أون سبورت إف أم»: «تقريبا فيه لاعب ضمن إنه هيكون موجود مع المنتخب الأولمبي، ومفيش أي مشاكل عنده في حال استقرار ميكالي على ضمه وهو أحمد سيد «زيزو»، نجم نادي الزمالك».

وتابع: «أعتقد الموضوع بالنسبة لـ زيزو منتهي، نادي الزمالك مرحب وجوميز مرحب رغم احتياجه للاعب، لكن الموضوع بالنسبة لزيزو مفيهوش مشكلة خلاص».
وأضاف: «قولتلكم قبل كده إن الراجل فكر في حارس مرمى، ورجع بعد كد قال خلاص هعتمد على حمزة علاء وباقي الحراس الموجودين معايا محمد صلاح وتريزيجيه مفيش خلاص.

وأردف: «في الوقت اللي بكلمكم فيه ده، الراجل مش عاوز من الأهلي غير محمد عبدالمنعم، وهو ده سبب الخلاف بين الأهلي والمنتخب الأولمبي حاليًا.

واختتم: «فيه مفاجأة عرفتها وهي إن مرموش مرحب بالانضمام للمنتخب الأولمبي، وهيحاول يقنع فريقه الألماني بالموافقة على تواجده رفقة منتخبنا في أولمبياد باريس.