تعليق مثير من وائل القباني على عدم تواجده بمنصب في الزمالك

كشف وائل القباني، نجم نادي الزمالك السابق، عن عدم تواجده في منصب داخل جدران القلعة البيضاء خلال الفترة الماضية.

وقال وائل القباني في تصريحات تليفزيونية خلال برنامج «بلس 90» المذاع على شاشة النهار: «أنا ماشي بشكل مستقيم ومش بنافق عشان كدة شكلي عمري ما هخش نادي الزمالك أو أتولى منصب فيه، الكلام ده يتقال لمجلس الإدارة ناس كتير خدت فرص لكن أنا مخدتش فرصة وفي ناس زيي كتير».اضافة اعلان

وأضاف القباني: «عشان أخد فرصة لازم أقعد في المبني الاجتماعي أو أحضر التمرين وأسلم على ده وأبوس ده وأنافق ده، وكل ده مش هيحصل ومش هعملها بردو، لو استحق أخش أخدم نادي الزمالك يبقى هضيف ليه مش بالمنافقة».

وأكمل نجم الزمالك السابق: «بحترم الناس اللي موجودة ومش معني كدة أن الكل بينافق، بس أنا رأيي أن الأشخاص اللي في حالها مش هتدخل ناس الزمالك بس أنا طول عمري في حالي من أيام مكنت بلعب، والظاهر أن الناس اللي في حالها ملهاش دور».

وواصل: «أكيد بزعل وبيصعب عليا نفسي، ولكن نادي الزمالك ده بيتي وليه فضل بعد ربنا عليا واتعرفت من خلاله، وعايز الزمالك يبقى في أحسن حال، وبشيد بمجلس الإدارة لما بيعمل شيء كويس».