رسائل نارية من بركات عن سقوط الزمالك في افريقيا

عبر محمد بركات، نجم النادي الأهلي السابق، عن حزنه عقب خروج فريق الزمالك المصري، من مرحلة دور المجموعات في بطولة دوري أبطال أفريقيا لهذا الموسم، بعد هزيمته على يد شباب بلوزداد الجزائري، بهدفين دون رد، ليحصل أصحاب الأرض على بطاقة التأهل برفقة الترجي التونسي.اضافة اعلان
قال بركات في تصريحاته عبر برنامج الريمونتادا: «الزمالك اسم كبير، بس الزمالك هيفضل كل سنة يخرج من مجموعات أفريقيا؟، الدنيا مش هتقف على جون تامر عبد الحميد في الرجاء، الناس عايزة تشوف الزمالك بيكسب أفريقيا تاني».

وأضاف: «كل مرة الزمالك هيخرج من دور المجموعات، الزمالك السنة اللي فاتت مكسبش ماتش من الستة في دور المجموعات، والسنة دي من خمس ماتشات هزم في تلاتة».

وواصل: «هل الزمالك باللاعيبة اللي موجودة جواه، والمهارات العالية، ميقدرش إنه يكسب شباب بلوزداد؟».

واختتم: «ايه اللي قدمه فيريرا والزمالك خلال اللقاء عشان يحافظ على حظوظه؟ ولازم الزمالك كان يبقى أجرأ شوية، فين الهجوم؟ فتوح مش بيهاجم، في علامات استفهام على فيريرا، وهل فيريرا من ساعة ما رجع، هل هو مركز».