وجه الإعلامي أحمد شوبير، رسائل نارية بعد أزمة ربيع ياسين نجم الأهلي السابق، وأسامة حسن، نجم الزمالك السابق، خلال برنامج "البلدوزر".
ونشبت مشادة بين ربيع ياسين وأسامة حسن، بعدما قام الأخير بمقاطعة ربيع ياسين أثناء حديثه عن النادي الأهلي، ليرد الثاني بعبارات قوية ضد نجم الزمالك السابق ويترك الاستوديو غاضبا، ليضطر مجدي عبد الغني للخروج إلى فاصل إعلاني سريع لإعادته مرة أخرى.
اضافة اعلان
وقال أحمد شوبير، في تصريحات تلفزيونية عبر فضائية "النهار": "هناك عنصر جديد داخل علينا وهو السوشيال ميديا، كلنا بنهتم بالسوشيال ميديا، وأصبحت أمر واقع وهام ومؤثر جدًا".
وأضاف: "بعض ضيوف البرامج، يقولك (نضربها تريند)، في ضيوف بتبقى مهتمة أنها تطلع تريند، التريند الحقيقي محتوى الحلقة".
وواصل: "مرة أحد الضيوف كان معايا في البرنامج، في الفاصل قالي (أخبار التريند إيه)، قولتله تريند إيه، احنا بناقش قضايا هامة، وأوعى تتخيل إنك ممكن تخرج عن النطاق عشان تعملي تريند".
وأكمل: "النجوم القدامى لازم يبقى ليهم احترامهم وتقديرهم، لازم يبقى في تكافؤ في الضيوف في البرامج، يعني مثلا تجيب علاء ميهوب مع طارق يحيى مع ضياء السيدج وحمادة عبد اللطيف".
وواصل: "ما الفائدة إللي هتعود عليك لما تقلل من شان نادي منافس؟ الجمهور هيطلع يقول عليك ده بطل؟ لأ ده مش هيحصل ومش هيتقال ده بالعكس مردوده أكثر سلبية وأكثر سوءا ونتائجه بتبقى سلبية".
وأردف: "لازم يبقى في تكافؤ في الضيوف. ده مهم جدًا، إيه الفائدة اللي هتعود لما تقلل من شأن نادي بالعكس اللي بتعمله مردوده أكثر سلبية، لما بشوف خبر عن إيقاف برنامج أو ضيف بتضايق جدًا".
وأتم: "النجوم الكبار لازم نمحافظ عليهم، التكافؤ في الضيوف مهم أوي، في ناس لها ثقلها".
