شوبير يتخذ اجراء قانونيًا بشأن أزمة أحمد رفعت

أعلن الإعلامي أحمد شوبير، تقدمه ببلاغ إلى وزارة الداخلية إدارة مباحث تكنولوجيا المعلومات والإنترنت، وذلك بسبب الاتهامات التي وجهت له، في الساعات الماضية، بشأن أزمة اللاعب الراحل أحمد رفعت مع نادي فيوتشر حين كان نائبا لرئاسة النادي.اضافة اعلان


وكتب شوبير عبر حسابه الشخصي على مواقع التواصل الإجتماعي فيس بوك: «تقدمت ببلاغ لوزارة الداخلية إدارة مباحث تكنولوجيا المعلومات والإنترنت برقم 14/ح مباحث الإدارة، وجاري التنسيق مع الساده المحامين للتقدم بعدة بلاغات جديده خلال الساعات المقبلة».



وقال أحمد شوبير اليوم في برنامجه الإذاعي: «مستمر في موضوع الله يرحمه الكابتن أحمد رفعت، وأول مرة هتكلم بشكل شخصي لأني بقالي 48 ساعة أو أكتر عمال أسمع وأشوف تعليقات وكلام كتير أني من المتسببين في أزمة أحمد رفت».

أضاف: «أنا بس عاوز حاجه أنا متهم بيها عشان أطلع أدافع عن نفسي، لأن كل الحاجات اللي بتتقال من أولها لأخرها بجمعها كلها، الحاجات المهمة طبعا، وهتخذ كل الإجراءات القانونية لأن ده حقي».



أكمل: «كل من تكلم في حقي، ليس أمامي سوى القضاء المصري العادل، هو الفيصل، لأنك ممكن تكون مذيع بتعرف تتكلم كويس وصفحات عاوزه تضحك على الناس وبلا ضمير ليها هدف معين».

واختتم تصريحاته: «أنا قدامي دلوقتي حاجتين، الحاجة الأولى قضاء مصر العادل، لأن كلنا لازم نقف أمامه والمخطئ ياخد عقابه، الحاجة الثاني العبارة الشهيرة (وعند الله تجتمع الخصوم)، لأن الحمد لله الحقيقة ظهرت وبان جدا جدا قدام الناس أيه اللي حصل».