شوبير يحكي موقفًا غريبًا مع أحد الأشخاص داخل المسجد

كشف الإعلامي أحمد شوبير عن موقف غريب جدا حدث له داخل المسجد الذي كان يصلي فيه، خلال شهر رمضان الماضي، بسبب نجله مصطفى شوبير، حارس مرمى الأهلي ومنتخب مصر الأول لكرة القدم.اضافة اعلان

وقال أحمد شوبير: «يوم 27 رمضان اللي فات كنت بصلي الفجر في المسجد، فكان المسجد زحمة جدا، والشيوخ هناك أصدقائي جدا، فقالوا أقعد شوية يا كابتن على ما الدنيا تروق».


وتابع أحمد شوبير: «شوية والدنيا هديت ولقيت واحد جاي لي بيقولي يا كابتن تقبل الله، وبعدها قالي: أنت فيك عيب قاتل جدا، أنت بتحب ابنك، قلتله: طب يا سيدي هكرهوا، وافتكرته بيهزر، قالي: لأ، ما تحبوش قوي كده، قولتله أنت بتتكلم جد ولا بتهزر؟، قال لي: لا بتكلم جد، أنت بتحب ابنك كده ليه؟، قلت: فيه إيه؟، مأحبش ابني يعني؟، قال: آه، ماتحبوش بالشكل ده، ومصمم بشكل غريب، والواحد مسك نفسه عشان في المسجد».


وأوضح شوبير: «قلتله: أنت عندك أولاد؟، قالي آه، قلتله: بتحبهم؟، قالي: جدا قلتله: لا إله إلا الله».

وأضاف شوبير: «هو ده مع الفارق طبعا، ده اللي بيحصل بين جماهير أي فريق ونجمه الأول، زي شيكابالا في الزمالك، وحب جماهير الأهلي مثلا لمجدي أفشة وكده».