«نادر شوقي جاله الفلوس مخضرة».. وليد دعبس يفجر مفاجأة بشأن سفر أحمد رفعت

كشف وليد دعبس، رئيس نادي مودرن سبورت، عن تفاصيل جديدة، بشأن قصة سفر اللاعب الراحل أحمد رفعت، والتي انتقل خلالها إلى الوحدة الإماراتي.

وقال وليد دعبس في تصريحات عبر برنامج «الماتش»: «أول ما طلع القرار الوزاري لـ أحمد رفعت، طلع أحمد رفعت في كامل تعزيزه وقيمته لدرجة إنه راح في طيارة خاصة من البلد للإمارات».اضافة اعلان

ليقاطعه مقدم البرنامج هاني حتحوت قائلًا: «البلد دي اللي هي غانا مش كدة؟»، ليسأل وليد دعبس: «تفرق في إيه؟»، ثم يرد هاني حتحوت: «لأن تصريح السفر كان إنه متجه إلى ليبريا، لم يصل إلى ليبريا بينما كان في ترانزيت في غانا، تحرك إلى الإمارات، ليه مارحش ليبيريا؟».

وعلق وليد دعبس: «جاله الموافقة وهو في غانا وهو رايح ليبيريا وكان مش هيلعب الماتش ده، ليقاطعه مجددًا هاني حتحوت قائلًا: لأنه كان موقوف، ليه سافر مدام موقوف؟».

ليصرح وليد دعبس: «احنا عندنا نظام في الفريق بنحب ناخد الناس الكبار، يعني مثلًا عندي ماتش معايا جنش أخده كابتن فريق».

وأضاف: «أنت النهارده طلعته للإمارات معزز مكرم، كان فرحان وهو طالع، ونادر شوقي كان فرحان، والدليل على كده إن نادر شوقي عنده علم بكل شيء، لأن العقد الثلاثي اللي معمول مع فريق الوحدة ماضي فيه نادر شوقي كشاهد يبقى كده هو كان يعرف ومبارك ومخضرة ومتروقة وجاله الفلوس ولا مجاتش».

وزاد: «كله تمام كل الناس شافت الحاجة الحلوة والفلوس الخضرة جميلة.. ده مش عيب أدور على مصلحة لاعب بتاعي وإني أجيب زيادة».