أحمد بلال يفتح النار على مصطفى يونس

وجّه أحمد بلال، مهاجم الأهلي ومنتخب مصر السابق، رسالة حادة إلى مصطفى يونس، أحد قادة القلعة الحمراء السابقين، وذلك عبر حسابه الرسمي على موقع التواصل الاجتماعي فيسبوك".اضافة اعلان

وكتب أحمد بلال: "كابتن مصطفى يونس واحد من كباتن الأهلي، وده أمر مسلّم بيه، وليه مني كل احترام أكيد".

وأضاف: "لكن مش في كل مرة وكل عنوان وكل طلعة سمك، وإنت ماشي على الدائري أو المحور، وفي المياتم والأفراح، نقعد نتكلم ونعيد ونزيد في القصة الحزينة بتاعت أنا مين وإنت مين وحكايتنا مع الزمان. كفاية بصراحة، دمها بقى تقيل وملهاش معنى".


وأتم ساخرًا: "بتحسسني بالفيلم بتاع أحمد حلمي لما كان ينام ويصحى ويعمل نفس الحادثة.. الفيلم ده أنا خرجت من نصه، مقدرتش أكمله.

يأتي هذا بعدما تجاهل مصطفى يونس، مصافحة محمود الخطيب رئيس الأهلي، في عزاء أحمد عبدالباقي نجم المارد الأحمر السابق، وقال في تصريحات لـ "المصري اليوم": "عدم مصافحة الخطيب وتجاهله؟ مفيش علاقة بقالنا سنين واللي في القلب في القلب".