تراشق بين رموز الزمالك

أثار رموز نادي الزمالك، أزمة نارية على مواقع التواصل الاجتماعي، حيث أشتعل الصراع بين تامر عبدالحميد نجم الزمالك السابق، وعبدالله جورج مستشار مجلس إدارة الفارس الأبيض.اضافة اعلان

بدأ الصراع بعدما أعاد تامر عبدالحميد نشر منشور لـ أحد الصفحات المنتمية لـ نادي الزمالك عبر موقع التواصل الاجتماعي «فيس بوك»، معلقًا عليه: «إيه الصراعات دي في الوقت الحرج ده ؟! ... يا جماعه النادي في عنق زجاجة. بالشكل ده القادم أسود. حسين السيد كان مختفي من عشرة أيام هو ظهر فجأة ليه دلوقتي».

ليعلق عبدالله جورج على المنشور، قائلًا: «عيب عليك»، ليرد عبدالحميد على التعليق: «العيب عليك أنت يا أبن رمز النادي وانت شايف غرامة كهرباء بتندفع بالشكل ده وساكت وقرار الانسحاب أمام الأهلي اللي خللي راسنا في التراب وساكت والمشاركة في كأس مصر».

وأضاف: «والخروج المهين وساكت وبيع قطاع الناشئين ومستقبل الزمالك وساكت وبيع الكرة النسائية وساكت وانهيار ألعاب الصالات وساكت العيب الحقيقي عليك وأنت مستشار المجلس وبتحضر الاجتماعات علي نفس الترابيزة هو ده العيب الحقيقي يا عبد الله».
وعاد جورج، وكتب: «العيب اني أنشر أخبار غير حقيقية بغرض الإثارة»، واختتم تامر عبدالحميد: «لو نشرت لك العيب اللي بتعمله علي ترابيزة الاجتماعات يا عبد الله أنت وآخرين هيبقي موقفك وحش اوي ادام الناس.... أنا واقف بقالي عشرة شهور داعم للمجلس ده وشايف وعارف بلاوي ومابتكلمش وبقول هتتعدلوا وهتصلحوا اللي جواكم إنما اللي أنتوا بتعملوه ده فاق كل الحدود».