علق أحمد حسام ميدو لاعب الزمالك ومنتخب مصر السابق، على خسارة النادي الأهلي أمام مضيفه طلائع الجيش بهدفين مقابل هدف، ضمن منافسات لقاء مؤجل من الجولة الخامسة عشر، من مباريات الدوري المصري الممتاز موسم 2025-26.
اضافة اعلان
وكتب ميدو عبر حسابه الشخصي على منصة «إكس»: «خسارة الأهلي غير متوقعة، ولكن أي حد متابع الفريق في الماتشات اللي فاتت متوقع إن في هزيمة جاية جاية، ماتش إيه مش عارف!!».
وأضاف: «في عدم توازن في الفريق، عدد لاعيبة كتير في مراكز واحدة، وفقر في عدد لاعيبة مميزة في مراكز ثانية!!، المدرب عادي جدًا، ولما قلت عليه قبل ماتش السوبر إنه مدرب صعب ينجح مع الأهلي الناس هاجمتني».
وتابع: «جمهور الكورة في مصر بيحب اللاعيبة الجامدة الحريفة اللي بيروح المدرج مخصوص يتفرج عليها، جيبولي لعيب واحد في الأهلي المشجع العادي ممكن يدفع ثمن تذكرة علشان يستنى الكورة تجيله علشان يستمتع بيه!».
بينما اختتم: «الحقيقة ولا لعيب!! الناس بتسأل ليه جمهور الأهلي ما بيروحش الملعب، والإجابة واضحة: مفيش في الفرقة لاعيبة حريفة الجمهور يتعلق بيها!!».
جدير بالذكر أن يحتل النادي الأهلي المركز الثالث بجدول ترتيب الدوري المصري الممتاز برصيد 37 نقطة من 20 مباراة.
