رد الإعلامي خالد الغندور على تصريحات أحمد شوبير وإبراهيم المنيسي، بخصوص طلبه إعلان النادي الأهلي عن قيمة بيع مهاجم الفريق وسام أبوعلي.
وقال خالد الغندور، عير صفحته على «فيس بوك»:«من إمبارح الناس بتبعتلي، أن كابتن أحمد شوبير اتكلم عني، وبراهيم المنيسي أتكلم عني، والأستاذ محمد فارس اتكلم عني عشان فكرة إني قولت النادي الأهلي لازم يعلن عن صفقة بيع وسام أبوعلي، عشان كمية الجدل الموجودة حتي من الصحفيين اللي بيقولوا أرقام كتير، وبناءً عليه قولت عشان الصفقة عليها غلط كتير، وكان باين أوى أن وسام تمر ولوي دراع الأهلي».
اضافة اعلان
وتابع:«فجأة لقينا الولد لم حاجته ومراحش المعسكر، وفجأة لقيت زمايلي والأستاذ إبراهيم المنيسي بيتكلم طيب نعرف مصطفى شلبي اتباع بكام، وميدو كان بيقول عليه أحسن لاعب، والموضوع تحول ومديونيات نادي الزمالك مش بتتكلم عنها، بس لما تلاقي كل الغلط دا عشان صفقة تعرف أن في مشكلة، عادل يعني ما النادي يطلع ويحط قيمة الصققة كدا في عنيا وتقول اتباع بعشرة مليون دولار».
وأضاف: «ناس كانوا بيلعبوا في أمريكا، وقالوا عمر ما في نادي هيجيب اللاعب بالرقم دا، وهنا إيه الأزمة أن النادي يطلع العقد ويحطه في عين التخين، بس دا كان الغرض من كلامي يعني، بس لما تلاقي الناس بتتعصب أوى وبتهاجمك أوى، وتلاقي ناس تبع لجان بتهاجمك أوى، وكل ما ينتمي لقناة الأهلي بيهاجمك».
واختتم: «هو أنا عملت حاجة غلط أوى كدا، في إيه ياجماعة، أنا ارتكبت جريمة، هو أنت إيه اللي مضايقك، إيه إللي مزعلك أوي، وهنا تعرف على طول أن أنا صح ولما بقول حاجة بتبقي صح، العصبية دي دليل على أشياء أخرى».
