رسالة نارية من محمد صبحي بعد أنباء رحيله عن الزمالك

نشر النجم محمد صبحي حارس مرمى الفريق الأول لكرة القدم بنادي الزمالك مساء اليوم الإثنين، رسالة نارية عقب أنباء رحيله عن صفوف الفارس الأبيض، خلال سوق الانتقالات الصيفي الجاري.اضافة اعلان

قال محمد صبحي عبر حسابه الشخصي على «انستجرام»: «متستغربش لما تلاقى حد كارهك وإنت معملتش معاه أي حاجة وحشة ولا تتصدم لما تعمل الخير مع حد ويردهولك في الآخر أذية».

وأضاف: «نفوس الناس مش زي بعضها وفي قلوب كثير حوالينا ماليها الحقد والغل، مش كل الناس هتحبك وتتمنالك الخير، مهما قدمتلهم حاجات حلوة، مهما كان قلبك أبيض وبتحب الخير للكل، هتتشاف وحش في عيون ناس كتير».

وتابع: «مهما كانت تصرفاتك تلقائية وطبيعية ناس هتشوفها مقصودة ومدروسة حتى جدعنتك إللي بالفطرة هتتحسب منظرة وحب للظهور، مش كل الناس هتحب تعرفك على حقيقتك ولا كل الناس هاتشوفك زي ما إنت، ناس كتير جدًا بيشوفوك بطباعهم وسواد قلوبهم».

بينما اختتم: «بقينا في زمن العجايب، ف توقع الغير متوقع، امشي زي ما إنت وزي ما إنت إتربيت، وما تستناش خير من حد وإياك تعافر عشان تثبت لحد إنك كويس، ومش مهم أبدًا تكون عند الناس إيه، ولا هما باصينلك إزاي، لينا رب هو اللي عارفنا وشايف قلوبنا وعارف نوايانا وهو ده بس المهم مش البشر أبدًا».