فيديو.. خناقة على الهواء بين أحمد ناجي وتامر أمين بسبب الشناوي

دخل أحمد ناجي حارس مرمى النادي الأهلي الأسبق، ومدرب منتخب مصر الأسبق، في مشادة على الهواء مع الإعلامي تامر أمين على خلفية تعليق الأخير على هزيمة الأهلي بخماسية أمام فريق صن داونز، وهجومه على حارس المارد الأحمر محمد الشناوي.اضافة اعلان

وقال «ناجي» في مداخلة هاتفية ببرنامج «آخر النهار»، والذي يعرض عبر قناة «النهار»، مساء اليوم الإثنين، موجهًا حديثه لـ«أمين»: «كلامك عليه ملاحظات كتير، كلامك كالعادة رد فعل تحت الرجلين، لسه فيه مباراتين، والناس لازم تهدى»، ليقاطعه «تامر»، قائلًا: «أنا آسف مين اللي يهدى؟! الأهلي يتغلب خمسة في سنتين ورا بعض من نفس الفرقة وتقولي نهدى!».

ورد «ناجي» قائلاً: «متنفعلش زي المديا والناس اللي بتزيط، الكلام ميبقاش كده، النادي الأهلي ما بيرميش الفوطة، لسه في مباراتين، وفي أمل في التأهل والمنافسة، الحديث لازم يكون في اتجاه تاني، الاتجاه ده تكسير عظام ومش هو المطلوب خلال هذه الفترة».

وأضاف: «النادي الأهلي مش بيخسر كل يوم، ده بيخسر كل سنة، مانشستر يونايتد خسر سبعة، النتائج في الكورة واردة»، ليرد «أمين»: «يخسر كل سنة، آه، بس مش يخسر خمسة، ومن نفس الفرقة!».