أحمد مرتضى يفتح النار على هتلر.. «حسابك بعدين»

رد أحمد مرتضى منصور، عضو مجلس إدارة نادي الزمالك، والقائم بأعمال رئيس النادي على تصريحات أحمد رمضان «هتلر»، المدير الفني للفريق الأول لكرة اليد بالقلعة البيضاء.اضافة اعلان
وعلق أحمد مرتضى منصور عبر قناة الزمالك على تصريحات «هتلر»، حيث وجه رسائل للمدرب عبر فضائية «الزمالك»، قائلًا «انت مسافر بفلوس نادي الزمالك ولابس لبس بفلوس نادي الزمالك وراكب عربية بفلوس نادي الزمالك وواصل المطار بفلوس نادي الزمالك وقاعد في الفندق على حساب نادي الزمالك وقاعد في الطايرة على حساب الزمالك».
وأضاف: «انت حضرتك فاهم غلط، انت قبل ما تسافر واخد فلوسك واللعيبة واخدة فلوسها وفي لعيبة أصرت تاخد فلوس قبل ما تسافر بدون توضيح أنا مش هتكلم كتير لأن أنا شايف إن منصب رئيس النادي مفروض متكلمش على مدرب ولا لاعب ولا عضو مجلس إدارة في مشرف يبقى يتكلم معاه ويجزيه أو يمشيه».
وواصل: «الكلام ده أكيد ليه حساب والحساب هيكون في توقيت مناسب. إذا كنا مش عارفين في أصول الرياضة إن انت في ماتش مفروض متتكلمش كدة وتتكلم في قناة أجنبيه على نادي الزمالك، لأ نادي الزمالك كبير ومجلس إدارته رافع راسه ولاعبيه رافعين راسه ومدربيه رافعين راسه».

وأتم: «لو حد خرج عن السياق أكيد في عقوبة مفيش حد فوق العقوبة، مفيش حد في النادي هيكون فوق المسألة ومش هتكلم اكتر من كده».