رد ناري من أحمد شوبير على تصريحات عصام الحضري

رد أحمد شوبير، حارس مرمى الأهلي ومنتخب مصر الأسبق، على تصريحات عصام الحضري، حارس الفريق الأحمر والمنتخب الوطني السابق. 

وقال أحمد شوبير، خلال برنامج "ملعبنا"، المذاع عبر قناة "المشهد": "أنا كنت كابتن للنادي الأهلي لمدة 6 سنوات وكنت بشارك مع الفريق بصفة أساسية ومقعدتش غير بعد ما انصابت، أنا برضه شوفت تصريح لعصام الحضري اتخضيت، لما يقول (أنا قعدت 3 ماتشات احتياطي في الأهلي وبعد كده لعبت أساسي)، إيه ده! دفين التاريخ ده! إيه الأمارة إللي بتقول كده".اضافة اعلان

وأوضح: "عصام الحضري، لعب عليا بس مباراة المصري في بورسعيد، وأنا كنت أساسي على طول، وبعده كده وقعت على كتفي وعملت العملية وسافرت لعمل علاج طبييعي في السويد وبعدها في ألمانيا".

وتابع: "رجعت مصر وجهزت وكانت الرؤية في الجهاز الفني هنكمل بعصام الحضري، حسمتها مع نفسي في آخر السنة، قولت هقعد احتياطي وهلعب كل سنة 5 ماتشات ملهاش قيمة".

وواصل: "قعدت مع صالح سليم، وطلب مني الاستمرار مع الفريق، ولكن أنا حسبتها مع نفسي وقررت الاعتزال خاصة أن عمري كان 37 سنة".