رسالة قوية من شوبير لإدارة الزمالك

وجه الإعلامي أحمد شوبير رسالة إلى إدارة نادي الزمالك، قائلًا: «أخذ الحق صنعة.. إوعى تسلم نفسك لحد»، وذلك على خلفية قرار الأبيض بالانسحاب من مباراة الأهلي في الدوري، والتي كان مقررا لها أمس الثلاثاء.اضافة اعلان

وقال أحمد شوبير، في تصريحات إذاعية عبر برنامجه «مع شوبير»: «تواصلت مع مصادر كثيرة جدًا داخل نادي الزمالك بشأن مباراة القمة أمام الأهلي، وقيل إن الزمالك سيخوض اللقاء، والبرتغالي جوميز، المدير الفني للزمالك، أصبح في حيرة ما بين خوض اللقاء من عدمه، الراجل إتلغبط».

وأضاف «شوبير»: «أنا هقول كلمتين لغرض الأمانة، هما هيزعلوا الناس مني بس لازم أقولهم، وقالهم بردو كابتن وليد صلاح الدين، أخذ الحق صنعة وبذكاء وبدون عصبية وإوعى تسلم نفسك لحد وإوعى تخلي حد يسوقلك أيا كان مين الحد ده».

وأردف: «القرارات الصعبة بتحتاج قوة وطولة بال وإنك تبقى صلب، وميبقاش السوشيال ميديا هما صحاب القرار، وإن العيال الصغيرين هما اللي يكونوا بيتحكموا»، لافتًا إلى أن الثمن هيبقى «غالي» جدًا، فلازم تديرها بمفهومية وذكاء، كان ممكن تعطل المنافس بتاعك.

وأكمل: «قبل ما تاخد قرار لازم تكون حاسب حساباتك كويس جدًا، وتعرف أنت بتحط رجليك فين»، مشيرًا إلى النادي الأهلي هو اللي كسبان، خد الثلاث نقاط وريح لعيبته.